පින්වත් දුවේ පුතේ,
මෙහෙම හිතන්න. ඔබට යාළුවො දෙන්නෙක් ඉන්නවා. හැබැයි ඒ දෙන්නා එකිනෙකාට විරුද්ධයි. එක්කෙනෙක් අඳින, කන බොන විදිහට අනිත් කෙනා සම්පූර්ණයෙන් අකමැතියි. කොටින්ම එක් අයෙකුගේ රුචි අරුචිකම් වලට සම්පූර්ණ විරුද්ධ දෙයක් තමයි අනිත් කෙනා ළඟ තියෙන්නෙ. 

යම් වෙලාවක එක් යාළුවෙක් ඔයා වැඩිපුර ලංකරගත්තොත් අනිත්කෙනා තරමක් ඈත්වෙනවා නේද? ඒ වගේ තමයි අනිත් යාළුවා මොනවාහරි දේකට ලංකරගත්තොත් මුල් යාළුවා ඈත් වෙනවා. ඕක තමයි ස්වභාවය. 

ඔයා දිගින් දිගටම එකම යාළුවෙක් තෝරගත්තොත් අනිත් යාළුවා ඔයාට නොපෙනෙන තරම් ඈත්වෙනවා.

අන්න ඒ වගේ තමයි අපි කරන හොඳ නරක, පොඩි කාලෙ ඉඳලම ඔයා හැමදේටම කේන්ති ගන්නවානම් ඉවසීම කියන එක ගොඩක් ඈත්වෙනවා. වෛරය නම් ලංකරගෙන ඉන්නෙ මෛත්‍රීය ගොඩක් ඈත් වෙනවා. ඔය විදිහට නරක, අයහපත් දේ තුළින් ම නම් මුහුණ දෙන්න පුරුදුවෙලා තියෙන්නෙ අපිට නොපෙනෙන තරම් දුරකට හොඳ, යහපත ඈත්වෙනවා.

අපි දිගින් දිගටම පුරුදු කරන දේ අපි ළඟින් ඉන්නවා සසර පුරාවට. 

ජීවිතයට කොයි වෙලාවක හරි ඉවසීම ඕන වන විට ඒක ඔයා ළඟ නැත්නම්, මෛත්‍රීය ඕන වන විට ඒක ඔයා ළඟ නැත්නම්, කරුණාව ඕනවන විට ඒක ඔයා ළඟ නැත්නම් ඒ දේවල් ඔයාගෙන් නොපෙනෙන තරම් ඈතට ගිහිල්ලා නම් ඔයා අසරණ වෙන්නේ මේ ජීවිතයේ පමණක් නොවේ. සසර පුරාවට දුක්ඛිත ඉරණමක අයිතිකාරයෙක් වේවි. ඉතින් ශ්‍රී සද්ධර්මයෙන් ම අභිශේක ලබමින් කල්‍යාණමිත්‍ර ඇසුරක අපිරිමිත යහපත උදාකරගන්න.

වසර 09ක් පුරාවට දහස් සංඛ්‍යාත දුවා දරුවන් වෙනුවෙන් සිදුකළ කල්‍යාණ මිත්‍රත්වයේ සොඳුරු මඟපෙන්වීම ‘යොවුන් දහම් සක්මන’ මෙවරත්…